Post Header
International Fanworks Day – IFD (आंतरराष्ट्रीय रसिककृती दिवस) प्रतिक्रिया उत्सव २०२५ ला आपले स्वागत आहे!
आंतरराष्ट्रीय रसिककृती दिवस २०२५ साठी आमचा विषय आहे रसिकगट हे परीसंस्था आहेत. असे आम्ही रसिकगटातील व रसिककृतीतील विविधता आणि त्याने निर्माण झालेली अनोखी परीसंस्था साजरा करु शकतो.
या वर्षीच्या प्रतिक्रिया उत्सवात भाग घ्यायचा आहे? मग पुढे वाचा!
या पोस्टवर टिप्पणी करून त्यात १० रसिककृत्यांची शिफारस करा. आपल्याला या कृत्या का आवडतात आणि इतरांनी त्या का वाचाव्यात हे सगळ्यांना सांगा. आपण इतर ठिकाणी केलेले शिफारस पत्राची दुवा देऊ शकता, आपल्या सोशल मिडीयावर #FeedbackFest2025 टाचणखूण वापरून नवीन शिफारस पत्र तयार करू शकता. शिफारस करताना, रसिककृत्यांची विविधता लक्षात ठेवा - आपण कथा, रसिकध्वनिफीत, रसिककला, रसिक-मासिक, संग्रह, संकलन, बातमीपत्र आणि अजून काहीही जे आपल्याला रसिकगटाबद्दल आनंद देतं - अगदी वाट्टेल ते!
इतर लोकांनी केलेल्या शिफारशी बघताना, निर्मातीसाठी प्रतिक्रिया सोडणे ही छान असतं - टाळ्या, आवडले किंवा टिप्पणी! इतर लोकांनी केलेल्या शिफारशी आवडल्या तर त्यांचे जरूर प्रसार वाढवा. या वर्षीचा प्रतिक्रिया उत्सव रसिकगट परिसंस्थेचा भाग असण्याबद्दलच असल्यामुळे छान छान गोष्टी सगळ्यांना सांगा!
आपल्या शिफारशी करायला सुरुवात करा आणि आपण लवकरच भेटूया - पुन्हा एकदा #IFD2025 च्या शुभेच्छा!
OTW ही AO3, फॅनलोर, Open Doors (रसिकमुक्तद्वार प्रकल्प), TWC (परिवर्तनात्मक कलाकृती आणि संस्कृती) आणि OTW कायदे-विषयक मदत सहित अनेक प्रकल्पांची नफारहित पालक संघटना आहे. आम्ही एक फॅन-चलित, स्वयंसेवकांद्वारे कार्यरत संपूर्णपणे दाता-समर्थित संघटना आहोत. आमच्याबद्दल अधिक जाणून घ्या OTW वेबसाईटवर. स्वयंसेवक अनुवादकांची टीम, ज्यांनी ही पोस्ट अनुवादित केली आहे, त्यांच्या बद्दल अधिक जाणून घेण्यासाठी, भाषांतर पृष्ठ पहा.