OTW अर्थसमिती: २०२४ अर्थसंकल्प अद्यतन

गेल्या वर्षाच्या दरम्यान, OTW (परिवर्तनात्मक रसिक-कला मंडळ) अर्थ समितीने मंडळाची बिल भरणे, कर भरणे, मानक अर्थलेखा प्रक्रिया पूर्ण करणे आणि आर्थिक नियमांचे पालन करणे या सगळ्याची खबरदारी घेतली. सध्या, २०२३ च्या आर्थिक विधानांची तयारी व लेखापरीक्षा चालू आहे!

दरम्यान टीम २०२४ च्या गरजा पूर्ण करण्यासाठी सुद्धा परिश्रमपूर्वक कार्यरत होती, व आम्ही अभिमानाने तुमच्या समोर या वर्षाचा अर्थसंकल्प मांडू इच्छितो (अजून तपशीलवार माहितीसाठी २०२४ आर्थिक स्प्रेडशीट बघा ):

२०२४ खर्च

Archive of Our Own – AO3 (आमचा स्वत:चा संग्रह)

• एकूण US$४,१६,४४१.०१ पैकी या वर्षी सप्टेंबर ३०, २०२४ पर्यंत US$२,५०,३८१.०२ खर्च केले गेले आहेत.
• OTW च्या सर्व खर्चापैकी, ५५.०% AO3 च्या देखभाली मध्ये जातात. मुख्य-संगणक खर्चाचा मोठा वाटा यामध्ये समावेश आहे—यात नवीन खरेदी आणि चालू मुख्य-संगणक केंद्र व देखभाल हे दोन्ही — या ऐवजी वेबसाईट कामगिरी देखरेखीची साधने, आणि तांत्रिक व्यवस्था समिती संदर्भातील कामगिरी परवाने, तसेच खाली ठळक केलेले खर्च (सर्व कार्यक्रमांचा खर्च).
• या वर्षीच्या अंदाजित AO3 खर्चामध्ये नवीन मुख्य संगणक खरेदी करण्यासाठी US$१,२०,०००.००, तसेच मुख्य संगणकशी संबंधित उपकरणांमध्ये US$१५,०००.०० चा समावेश आहे ज्यामुळे वर्षभरात अपेक्षित साईट रहदारी वाढ हाताळण्यासाठी विद्यमान सर्व्हरची क्षमता वाढेल.

फॅनलोर

• या वर्षी सप्टेंबर ३०, २०२४ पर्यंत, US$२४,१६०.२७ मधून US$१३,९८६.४७ खर्च झाला आहे.
• फॅनलोर खर्च त्याचा मुख्य संगणक खर्चाचा, देखभाल व मुख्य संगणक केंद्र खर्चाचा, तसेच नवीन दत्तक घेतलेल्या विविध OTW-व्यापी उत्पादकता साधनांचा त्याचा भाग, असे आहेत (सर्व कार्यक्रम खर्च).

Transformative Works and Cultures – TWC (परिवर्तनात्मक कलाकृती आणि संस्कृती)

• या वर्षी सप्टेंबर ३०, २०२४ पर्यंत US$५,४४४.७४ मधून US$३,४८८.७४ हे खर्च झाले आहेत.
• TWC चा खर्च आहे जर्नलची वेबसाइट होस्टिंग, प्रकाशन आणि संचयनाचे खर्च ,तसेच नवीन दत्तक घेतलेल्या विविध OTW-व्यापी उत्पादकता साधनांचा त्याचा भाग. (सर्व कार्यक्रम खर्च).
• याव्यतिरिक्त, ॲमस्टरडॅम विद्यापीठाने २०२३ मध्ये TWC ला €१,००० (US$१,०६१) प्रदान केले, ज्याचा उपयोग रंग संशोधन चे रसिक ह्या पुरस्कार च्या निधीसाठी केला जाईल.

Open Doors (रसिक-मुक्तद्वार प्रकल्प)

• US$९,३४४.३३ मधून, या वर्षी सप्टेंबर ३०, २०२४ पर्यंत, US$६,८९९.७० खर्च झाले आहेत.
• रसिक-मुक्तद्वार प्रकल्पच्या खर्चामध्ये आयातित रसीककृती संग्रहासाठी होस्टिंग, बॅकअप आणि डोमेन खर्च, तसेच नवीन दत्तक घेतलेल्या विविध OTW-व्यापी उत्पादकता साधनांचा त्याचा भाग, हे समाविष्ट आहेत (सर्व कार्यक्रम खर्च).

Legal Advocacy (कायदेविषयक मदत)

• US$२,८९२.१५ यांमधून, या वर्षी सप्टेंबर ३०, २०२४ पर्यंत, US$३०४.५० खर्च झाले आहेत.
• कायदेविषयक मदतीच्या खर्चामध्ये, परिषद आणि सुनावणीसाठी नोंदणी फी भरणे, आणि आवश्यक असल्यास कायदेशीर दाखल करण्यासाठी निधी बाजूला ठेवणे, तसेच नवीन दत्तक घेतलेल्या OTW-व्यापी उत्पादकता साधनांचा त्याचा भाग, हे समाविष्ट आहेत (सर्व कार्यक्रम खर्च).

निधी उभारणी आणि विकास

• US$१,५२,३९९.४७ मधून या वर्षी सप्टेंबर ३०, २०२४ पर्यंत, US$१,०७४३३.५७ खर्च झाले आहेत.
• आमच्या निधी उभारणी आणि विकासच्या खर्चांमध्ये, देणग्या आकारण्या करिता, तृतीय-पक्ष देयक प्रोसेसरद्वारे आकारले जाणारे व्यवहार शुल्क समाविष्ट आहेत; आभारदर्शक भेटवस्तूंची खरेदी आणि ते पाठवण्यासाठीचे शुल्क, विविध रसिक संमेलनांमध्ये स्वयंसेवकांद्वारे प्रसार करण्याचे खर्च आणि OTWचे सदस्यत्व डेटाबेस होस्ट करण्यासाठी आणि देणगीदार आणि संभाव्य देणगीदारांसह ट्रॅक संप्रेषणासाठी वापरली जाणारी साधने, तसेच नवीन दत्तक घेतलेल्या OTW-व्यापी उत्पादकता साधनांचा त्याचा भाग (निधी उभारणी खर्च).

प्रशासन

• US$१,४७,०९९.७५ मधून, या वर्षी सप्टेंबर ३०, २०२४ पर्यंत, US$१,११,६९८.९७ खर्च झाले आहेत.
• OTW च्या प्रशासकीय खर्चामध्ये आपल्या वेबसाइटसाठी होस्टिंग, ट्रेडमार्क, डोमेन, विमा, कर फाईलिंग, वार्षिक आर्थिक विधानाची लेखापरीक्षण आणि संप्रेषण, व्यवस्थापन आणि लेखांकन साधने समाविष्ट आहेत(सर्व प्रशासकीय खर्च).

२०२४ महसूल

• OTW संपूर्णपणेआपल्या देणग्याद्वारा समर्थित आहे—आपल्या औदार्याबद्दल धन्यवाद!
• आम्हाला दरवर्षी आमच्या बहुतेक देणग्या एप्रिल आणि ऑक्टोबरमधल्या निधी उभारणी ड्राइव दरम्यान मिळतात ज्या एकत्रितपणे २०२४ मधल्या आमच्या उत्पन्नाच्या सुमारे ३३.८% आहेत. आम्हाला देणग्या ह्या नियोक्ता जुळवणाऱ्या प्रकल्पातून, रॉयल्टी, आणि PayPal Giving Fund, जे Humble Bundle आणि eBay for Charity सारख्या कार्यक्रमांमधून देणगींची व्यवस्था बघते, या सगळ्यातून ही देणग्या मिळतात. जर आपण अशा वेबसाइट्सवर खरेदी करतांना आमची मदत करण्यास इच्छुक असाल, तर कृपया आपल्या पसंतीचा धर्मादाय म्हणून "Organization for Transformative Works" ची निवड करा!
• मागील वर्षात आपल्या उदारतेमुळे, आमच्याकडे भरपूर रक्कमेची साठवण आहे, जी आम्ही नेहमीपेक्षा मोठ्या खरेदी साठी आणि कायदेशीर आकस्मिकतेसाठी हाती ठेवू शकतो. पूर्वी उल्लेख केल्या प्रमाणे, AO3 च्या मुख्य संगणकांची क्षमता वाढवण्याची योजना आहे, ज्याच्यामुळे मुख्य संगणकात वापरल्या जाणाऱ्या उपकरण्यांचा आणि मुख्य संगणक ला होस्ट करण्याचा खर्च दोन्ही बऱ्यापैकी वाढतील. AO3 आणि OTW च्या इतर प्रकल्पांच्या वाढी मुळे, स्वयंसेवक आणि प्रशासकीय समर्थनाची गरज पडते, ज्यामुळे खर्च वाढतो.
• आत्तापर्यंत (सप्टेंबर ३०, २०२४ पर्यंत) US$६,५१७४१.९८ मिळाले आहेत आणि US$७,६२,४३३.९१ वर्षाच्या अखेरपर्यंत प्राप्त होण्याचा अंदाज आहे.

काही प्रश्न आहेत का?

जर आपल्याकडे अर्थसंकल्प किंवा OTWच्या आर्थिक बाबींविषयी काही प्रश्न असतील तर कृपया अर्थसमितीशी संपर्क साधा. आम्ही शक्य तितक्या लवकर आपल्याला उत्तर देऊ!

२०२४ स्प्रेडशीट स्वरूपात OTW चे आर्थिक संकल्प डाउनलोड करण्यासाठी, कृपया या दुव्याचे अनुसरण करा.

---

OTW ही AO3, फॅनलोर, Open Doors (रसिकमुक्तद्वार प्रकल्प), TWC (परिवर्तनात्मक कलाकृती आणि संस्कृती) आणि OTW कायदे-विषयक मदत सहित अनेक प्रकल्पांची नफारहित पालक संघटना आहे. आम्ही एक फॅन-चलित, स्वयंसेवकांद्वारे कार्यरत संपूर्णपणे दाता-समर्थित संघटना आहोत. आमच्याबद्दल अधिक जाणून घ्या OTW वेबसाईटवर. स्वयंसेवक अनुवादकांची टीम, ज्यांनी ही पोस्ट अनुवादित केली आहे, त्यांच्या बद्दल अधिक जाणून घेण्यासाठी, भाषांतर पृष्ठ पहा.